| Dumbo未試過做女人就俾我幫佢絕育了... 見到佢個傷口紅紅的，其實我真係好驚，唔知道咩先叫正常，又驚佢跳上跳落會爆開個傷口，真係好矛盾。 近來好快樂，覺得自己好幸運同埋好幸福~內心充滿喜悅!!! 多堂多到唔記得有幾堂既first aid終於完成喇!!!之前成日好驚唔合格，但人地話red cross好難會唔合格，仲話唔合格既係有問題。但我覺得合格真係好幸運，因為包骨折超難，包頭超難，包腳都好難，今次考完，其實都唔知會唔會合格，但係我覺得無憾了，因為我係證明左自己無入錯行，同埋好彩我當初無讀護士~ 遲下學jazz，yeah~~~~~~學一d唔駛用腦，唔駛考試，輕鬆的興趣!!!!yeahyeah~ |
| |
| 好想自己身邊的朋友能幸福快樂，朋友，要好好愛惜自己，好嗎? 星期五晚上睇左何韻詩演唱會，第一次坐咁前，可以好清晰睇到歌手既樣子，想起以前睇五月天演唱會，我同朋友要用望遠鏡才可望得清楚，所以今次真係好幸福呢~ 自己雖然不是太熟悉何韻詩的歌，但看到好友高興投入，自己也不期然投入起來!  大會送的旗仔  舞台係光明會既標誌呢
 好前..  我最喜歡她這套衫!
|
| |
| 買唔到我喜歡的表，好傷心呀... 尋日一股作氣諗住買，仲幻想過買完之後開心既情景，但最後竟然達成唔到!! 有時喜歡的東西未必讓你得到，我深深明白這道理。雖然口裡說明白，但下次可唔可以俾我得到返呀? 唔開心的mood之下睇左求婚的惡魔，真係好好笑，笑到我都好似忘記哂自己傷心既事情，我好喜歡這種愛情小品電影，每次睇個心都會笑出來，覺得好溫暖。 故事講男女主角由當初好憎恨大家，到變成歡喜冤家，直到後來當就快失去時才驚覺自己已愛上對方，情節雖然平平無奇，但感覺很溫馨。 今個星期日會去大陸，好開心呢!去玩去食，及時行樂，yeah~ |
| |
| Dumbo愈長愈大，真可愛。 今天和同事閒話家常，知道有一位同事既ex boyfriend很壞，成日都講大話，講大話既程度係連自已讀既中學都可以係謊言，好似所有佢既野都係假，好可怕! 如果我未來既伴侶連呢d都騙我既話，我會覺得自己好好彩...遇到位大騙子。 時間過得特別快，好快就到weekend，光陰就係咁虛耗了，覺得自己好似除左工作咩都冇做到咁，所以黎緊我會好好充實自己，學first aid、學跳舞、學返日文，仲有做義工!我要把握自己既時間，做自己喜歡的事情，過自己喜歡的生活!! |
| |
| 終於狠下心剪了一頭清爽的短髮 好笑的是髮型師還怕我會後悔，足足問了我三次是否想剪掉 說真的，在快剪的一剎那有點不捨得，始終這把長髮足足陪伴我度過兩年的時間，陪我度過大學的完結、陪我度過踏入工作生涯的日子、陪我哭、陪我笑... 但當剪掉了，不知怎的，覺得心情好輕鬆，好像舒了一口氣，我很想改變。 從現在起，我會喜歡自已的短髮形象 這段日子也像往常一樣的忙，忙著要喜歡research，跟它談戀愛，更了解它 我不要再找任何藉口，我要不後悔，起碼已盡力就足夠了!!! |
| |
